منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   قال الذي عدا بعالي هضابه في راس لحوح عوى عوية الذيب (http://www.alqesuirien.com/vb/t6197.html)

فهد سعد 26-08-2018 08:12 AM

قال الذي عدا بعالي هضابه في راس لحوح عوى عوية الذيب
 

قال الذي عدا بعالي هضابه=في راس لحلوحٍ عوى عوية الذيب

ذيبٍ ورد له ماردٍ ما لقى به=
الا الاثاري فوق سود المغاريب

ودوج ولا به مرتفع ما عوابه=
واقفى يهوم مع السهول اللهابيب
يبي يصبح منزلٍ قد كلا به=
رخم ٍ يجذبها من الربق تجذيب
وأذن عليه الظهر ما ادمى ابنابه=
وايس وطاح بظل بعض المراقيب
ابدو ٍ من الاوناس خال ٍ جنابه=
دون الونس تزمي وهود وحراديب

بوسطه نزلت وحضب الراس ما به=
دمع ٍ يشعب ناشف الخد تشعيب

دمع ٍ مثل وبل السحاب انسكابه=
من ناظري يذرف على الخد والجيب

حالي مثل عود ٍ تمضى شبابه=
عياله صغار وفي ديار الأجانيب
سنه كبير وجابه الكبر جابه=
وقام يتعكز فوق عوج المصاليب

وتناسعت بين الاشافي عذابه=
يجفل من الماء عقب ماهن حواطيب 

واصبح يهاب اسلوب قومِ تهابه=
لو هو يهاب بتالي العمر ما هيب

ابكي ربوع ٍ كنها أسود غابه=
ربع ٍ تعرف اللازمه والمواجيب 

ربع ٍ لها على الخصيم انقلابه=
دون اللزوم يحذفون الاساليب
ولا يسمعون من العذول أي جابه=
كلن يقول لعاذله ما لك مجيب
على الخوي فيهم ليان وحبابه=
وعلى العدو شري ٍ يحوذ اللغابيب 

من دون ربعي غابت الشمس غابه=
مالي جدا كود البكاء والهناديب

اعتضت فيهم من يسر الرجاء به=
الواحد اللي يعلم السر والغيب

اللي عن المخلوق ما صك بابه=
ولا حط دون اللي يساله حواجيب

الحي ميّت أن كان ما فيه ثابه=
والميّت حي أن جاد من بعده الصيب

قلت المثل للي يريده وهابه=
أخاف من شذب العداء بالعراقيب
هذا كلام اللي ختم ما بدابه=
في راس لحلوح عوى عوية الذيب
الشاعر سويلم العلي رحمه الله


الساعة الآن 04:15 PM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team