=قصيدة بمناسبة زواج
مشعل وعبدالله أبناء ضويحي المخلفي الحربي

يامرحبا من ضمير وروح مسروره=في حفل مشعل وعبدالله نكررها
عيال قرمٍ سعى بجهود مشكوره=مقدام وصفوف ربعه حامي اخرها
حكيم بالراي لامنه عطا شوره=والروح دون الوطن والدار ناذرها
اقولها من صميم القلب وشعوره =والـفـعـل كافي عـن الكلمه يبررها
نشوة فرح بالقصيد وروح مغموره=لعيون ابو هندي الجزله مصخرها
اجمل ورود الربيع ونفحت زهوره=وسحابة الوسم عل القاع ماطرها
شاعر عكس واقع الاحوال بالصوره=وشاعر عكس صورة الواقع وغيرها
الشعر تصوير والاذواق جمهوره=وروح المعاني مشاعر قلب شاعرها
نوادر اقوال بين الناس ما ثوره=وايمان تنقل ادب لابد نشكرها
النفس تحيا بواقع دوم محصوره=وشمس الحقايق بعين القلب ناظرها
المجد مرهون يوم ان البطل دوره=الخيل يوم اللقا تقدح حوافرها
وياتركي الشعر كلن حسب مقدوره=والله ما ترك جهودٍ عنك ذاخرها
هذا كلام المزيني حسب منظوره=ومن حق نفسه تماري في مفاخرها
يمناه بندق على الاهداف ماموره =ما تروح طلقه على الرماي خاسرها
حفل المخاليف بالدنيا شعا نوره=وذكـر الـمـخاليف ببياتي يعطرها
ياليت نفسي عن التقصير معذوره=بالحفله اللي لـهـم تقدير حاضرها
=فهد سعد القصيري

الموضوع الأصلي: يا مرحبا من ضمير وروح مسروره || الكاتب: فهد سعد || المصدر: منتديات القصيرين من حرب

المصدر: منتديات القصيرين من حرب