منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى الشعر الشعبي (http://www.alqesuirien.com/vb/f17/)
-   -   سلام والمعنى على روس الجبال (http://www.alqesuirien.com/vb/t6208.html)

فهد سعد 07-01-2019 07:44 PM

سلام والمعنى على روس الجبال
 

مشاركتي بالحفل الذي اقامه الشيخ / مكازي فرحان بن سعيد الشمري واخوانه
تكريماً لوالدي الشاعر سعد عبيدالله القصيري بالودي بمنطقة حائل

سلام والمعنى على روس الجبال=اللي تشكل بالجزيره سلسلا
عبر الفضا فكري مع الافكار جال=وابدت لي الجزلات بالطاعه ولا
حمل الركايب سار بظهور الجمال=جزل المعاني بالسلام محملا
وبحلال شمر بعد بركت الرحال =وادي هــيــامـــي بالمشاعر سيلا
فال السعد والوسم بديار الشمال =جــــو المــشــاعر للقصايد خيلا
شمر هل الطولات مافيها جــــدال =تناقــل الاجـــيال تاريخ الـــــمــلا
رد الثنا شـيـمــه وقــيـمـه للــرجال =اللي لهم بالطيب رمـــز مـــسـجـلا
ابن سعيد بالكرم والطـــــيـــب نال =بعالي القمه رفيع المنــزلا
ابن سعيد للكرم مـــضـــــرب مثال=من الــكرم عشاك ياذيب الخلا
وبعده على ممشاه ماشين العيال=الــكـل مــنــهـــم للوازم كــمــلا
عبدالله اللي للي قد هــقـــوات الرجال=اللي كــسـب نعمٍ على مـــا يـفـعـــلا
ومكازي اللي سار في نهج اعتدال=تشوف بحجاجه من الطنخه هـلا
وعيال عــمــه فالمهمات الـثقـال=ما فــيـهــم اللي للمـعالـي ما عــتــلا
ارفع لكم ياهل المواجيب العقال=يدفعني التــــقــدير وشــعـــور الغلا
ويللي تــلــوم القلب بشعوره تعال =اعـطــيـك شــــــرحٍ بالبنود مــفصلا
شمر لهم تاريخ حـــــافـــــل لايزال=وشمس الحقيقه دونها الغيم انجلا
حسب المقام يكون ترتيب المقال =ومن كل قلبي قاف شعري مرسلا
اقدم على الابداع لا جالي مجال=وما يشتبه بالـــذوق مـــــرٍ مع حلا
ولا طرقت القاف بـــدروب الخيال=طـــرقت قافٍ بالـقـيود مكـــبلا
ودام الكريم معان من وال الجلال=عسى حضوري بسم حرب مجملا
وكل القبايل مــن كريمين السبال=تقديرهــم بالروح دوم مبجلا
=الشاعر فـهـد ســعــد القصيري الـحـربي

الساري 17-01-2019 09:14 AM

الشاعر فهد صح لسانك وبيض الله وجهك

فهد سعد 18-01-2019 09:53 PM

اخوي الساري صح بدنك تسلم لاهنت


الساعة الآن 02:04 PM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team