منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   حرب الحرايب (http://www.alqesuirien.com/vb/t6209.html)

فهد سعد 11-01-2019 04:41 PM

حرب الحرايب
 

هـذه القصيدة اهداء الى قبيلة حـرب العزيزة لما بينهم من تلاحم وتراحم
ووحدة الصف بالمهمات والملمات المشهودة وهي قليله بحقهم

انا ليا كثرت علي الهواجيس=من الهموم اللي كوت ضامري كي
ذكرت ربعي كاسبين النواميس=حرب الحرايب ما مثل حيهم حي
الكل منهم يرخي الجيب والكيس=في مجلس عامر ونارٍ لها ضي
عادتهم الفزعه وفك المحابيس=وذبح الردوم اللي بها زايد الني
يصيد من هد الحرار القرانيس=والا التبوع اتبوع ترجع ولا شي
الطيب وفقه والحياله عواسيس=واللي تعب بالزرع يتعب على الري
صغيرنا يطلع بعيد المراميس=يصعد على العليا وهو توه صبي
تاريخ ربعي قبل وقت امروؤ القيس=بارض الجزيرة يوم سكانها شوي
وصلوا من البصرة اليا بلاد بلقيس=لين اصبحوا كا الشجرة اللي لها في
كرام وحشام ونشاما وفريس=يوم السلاح رماح وسيوف وقني
مسروح فوق الخيل مثل المقابيس=شهب على روس الشياطين تهوي
وسوالمٍ لا حولوا بالمتاريس=يستسلم اللي غره الطيش والغي
احفوا ظهور الخيل والضمر العيس=طافوا فيافي نجد يطوونها طي
وديارهم تسس على العز تاسيس=ما جت بحب خشوم وختوم وعبي
شمال نجد اللي مثل وصف باريس=تشبه هنوفٍ ما مثل زيها زي
من عاش بين اجبالها والطعاميس=شرب محبتها مع الزاد والمي
حب الوطن يرجح بكل المقاييس=افداه في روحي وماتملك يدي
ما يرخص الاوطان غير المتاعيس=اعمالهم سيه ومنطوقهم سي
ياالعبد لا تتبع هوى النفس وابليس=ولا تطيع احد في كلمة الحق ياخي
اعوذ بالله من جميع الوساويس=ومن رفقة اهل السو والنذل والعي
انا مع الطيب بعيد المراويس=لو اتعنى له على اقدام رجلي
=الشاعر / سعد بن عبيدالله القصيري الحربي


الساري 17-01-2019 09:12 AM

صح لسان ابوفهد وحرب يستاهلون بيض الله وجهه قصيدة جزلة

فهد سعد 18-01-2019 10:04 PM

صح بدنك تسلم يااخوي الساري الجزالة منك وفيك لاهنت


الساعة الآن 02:14 AM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team