منتديات القصيرين من حرب

منتديات القصيرين من حرب (http://www.alqesuirien.com/vb/)
-   منتدى المشاركات الادبيه المنقولة (http://www.alqesuirien.com/vb/f40/)
-   -   يالله ياللي خالق الكون كله (http://www.alqesuirien.com/vb/t6215.html)

الساري 16-02-2019 07:21 PM

يالله ياللي خالق الكون كله
 

يالله ياللي خالق الكون كله=يا خالقٍ خلقه ومحصي فصايله
يارافعٍ سبعٍ وسبعٍ بسطها=ومابينهن خلقه فضى الكون شايله
يا محصين سعي الثقلين بالعمل =وكلٍ يحاسب في خطايا عمايله
برجواك ياللي تحيي الارض بالحيا=يا منشي ٍ نشوه وملقح ثقايله
وتحيي به ارضٍ تقافت سنينها=عقب السنين العجف تخضر مسايله
تفرج لنفسٍ زايد الهم زادها=تشيل من دار الفنى حمول مايله
اسبابها ناسٍ تقافى رحيلها=اقفت ضعاينها من الدار شايله
رحيلهم والله ماهوب ودي =مظهورهم مقفي وعيني تخايله
ومريت لي دارٍ عزيزه عليّه=ووقفت ودموعي على الخد سايله
مواثير عماني وابويه وجدي=ما شفت فيها من هكالحي زايله
الله اكبر ما تقول انزلوها=اشوف منازلهم من الناس خايله
اشوف بيوت الطين باقي رسومها=وواد النخل ما باقي إلا سمايله
سألت دار العز هي وين أهلها=وردت عليّه ديرة العز قايله
علمي بهم يومنهم ودعوني=وبيت الشعر طوي وبيعت رحايله
اقفت ضعاينهم بعز ومعزه=اقفوا ورى برقٍ ثقيله مخايله
ومن يأمن الدنيا كفى الله شرها=لابد من يوم ٍ تجيه متمايله
تصحي المغرور بصفقه لخده =من يمينها اللي على الناس طايله
صفقاتها ما تأخذ الا الغوالي=كم واحدٍ منها تزايد غلايله
عدود الروى يدلك عليها دروبها=والحق ما يطلع بليا دلايله
إن حصلت لك من رفلة الرس شربه=مع طلعة المرزم يجفن ثمايله
ختامها مني بصلاةٍ على النبي =والله هو الباقي ودنياك زايله
الشاعر /عتيق بن صالح القصيري


الساعة الآن 11:15 AM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team