قصيدة ترحيبية للشاعر سالم بن صويلح المزيني
بمناسبة زواج ابنه الشاب عبدالله
يامرحبا مليون في ضرب مليون=ترحيبةٍ تضفي على الحفل كله
اقولها للي لفونا يهنون=اعداد وبل المزنه المستهله
غالين والغالين عندي يمونون=الكل منكم يعتبر في محله
واذا حصل تقصير مني تعذرون=المحترم يستر اذا شاف خله
الادمي ما هو عن النقص مضمون=يمكن يفوته موقفٍ ما فطن له
الكامل الله والاوادم يسجون=والا رضاكم مقصدٍ ساعيله
اليله الفرحه ملت عندي الكون=من العصر نفسيتي مسفهله
طير الفرح غنا لي اليوم بلحون=ويهدي لعبد الله وروده فله
وشلون ما افرح والبس البشت وشلون=في حفل عبدالله جميل الجبله
يالله ياللي لك عبادك يصلون=توفقه وتجنبه كل زله
الشاعر/ سالم صويلح المزيني الحربي