النـحـِر من عشر حجه ثلاث ايام عيد=عيدكم مبروك والسعي مشكور اتعبه

جعلكم من عايد العيد واليوم السعيد=وإيـْـغَشَى عفـو الله السابقين وْصيّـبه

السلام ورحمة الله عليكم والجـديـد=ليل قافن جيت ساريه واصبحت اكتبه

فاله البسط احمديه عن الشكه بعيد=هـرجـة وفنجال راعيـه غـاية مطلبـه

يوم اتمّم كني اقولْ له هل من مزيد=كل ما صَبـّه عليـْه الطلاق ان تشربه

اعتبرت البيت بيتي مهو بيت القصيد=والقلم بضيافـة ارحاب دفتر مكتبه

والوعد ضخ المعاليق بعروق الوريد=والمشاعر تصهره قاف شعر وتسكبه

فِضّته في ضرف مبروك ياعبدالمجيد=وإِذْهّبتْها من خزاين مصارف مذهبه

بـارك الله لك هديّة امعـرّبـة الـوليــد=ياحفيـد عبيـد وعـزّيـز ادركت ءِنْسِبه

مجذبه من فيصل النايف وغالب عبيد=والشـداد شداد جـده وسيفـه مقضبـه

كان صـار السيد مملوك والمملوك سيـد=موسها مابين دقن الرويبض وإشنبه

لنْجلى ليلـك عن الشمس يابحر الجليد=يبكي احطام السفينة اِمْغمّرها إِحطبه

مايبورون الحمايل هل المجد التليد=لـو زمنهم قـام يرتــّد راسـه لـ ذنبـه

والقبيلة في جِبرْها تزيـد وتستزيـد=والحـدث تـاريخ تقـراه والا تكتبـه

فهد متعب الديري القصيري
27 ذو الحجة 1440
...

الموضوع الأصلي: القبيلة في جِبرْها تزيـد وتستزيـد || الكاتب: الساري || المصدر: منتديات القصيرين من حرب

المصدر: منتديات القصيرين من حرب