‏شكروعرفان لجنودنا بالحد الجنوبي وكل من يذود عن الوطن
واشيد بفعل البطل فارس ابن راضي العريمه الحربي
‏

يافارس انته بطل من ضمن الابطال=رفعت راس المجتمع والقبيله
جبت العدو اللي زرع شر واحتال=وانقذت غيرك ثم فزت بجميلة
وانقول واجب والخواتم بالافعال=وابن العريمه كل حملن يشيلة
واقف على حد الجنوبي ولا زال=ولا يعود لو العمر يقرب رحيله
والابو راضي والرضا يرفع رجال=وياسعد من هو فارسٍ ينتمي له
ياجنودنا دون الوطن يرخص الحال =وانتم سند بعد الولي نلتجي له
الله يحفظكم على كل الاحوال =واللي مايحمى موطنه وش حِيي له
الله ينصركم على كل من عال=والحق يطلع لو سنينه طويله
واقول فيه رجال من همت رجال =وبوجودكم نقدم على المستحيله
من مات قالو جنة الخلد منزال=اعمال بالنيات والله وكيله
=عبدالله مانع بن مليحان الحربي

الموضوع الأصلي: قصيده بالبطل فارس العريمه || الكاتب: عبدالله مانع القصيري || المصدر: منتديات القصيرين من حرب

المصدر: منتديات القصيرين من حرب