كم قيل لجل عين تكرم مدينه=واليوم لجل عين تنهان الامه
يا امة الاسلام يالمستكينه=تولموا للكارثه والمطمه
لاراي لاتوجد احصون ٍ حصينه=حتى الطفل يذبح على ثومة امه
والخارطه ترسم باليا مدينه=والعاصمة حطت على راس قمه
هذا محجر له وذا مدحدرينه=وهذا لجل هذاك هذا يضمه
هذا الصحيح وكلنا شايفينه=احد ٍ سمع بارود وحد ٍيشمه
القدس راحت والعراق الحزينه=ولبنان يسفك كل عامين دمه
والشام معروضه على سايمينه=احد ٍ حفر خندق والاخر يدمه
وشاط اليمن ترسي عليه السفينه=ومن طاح طاح ولاوجد من يلمه
والي وراء الشاطي ويظهر خزينه=وقول ٍ يصرح به وقول ٍ يخمه
سؤال ٍ يحير ترى سالينه=وشلون كل الناس هذي بغمه
معقول ماتوجد عقول ٍفطينه=ولافيه لاهم ٍولافيه همه
احيان اقول العاقل الله يعينه=واحيان اقول اعقولنا مدلهمه
احيوا بنا اجروح ٍ من اول دفينه=واليوم حتى حلمنا ما نتمه
ترى السكوت اليوم قهر وغبينه=الداب نزع الناب يبطل إلسمه

فايز موسى شديد البشري

الموضوع الأصلي: لجل عين || الكاتب: الصامل || المصدر: منتديات القصيرين من حرب

المصدر: منتديات القصيرين من حرب