عرض مشاركة واحدة
قديم 25-12-2012, 02:34 PM   #5
منصور بن عبدالله القصيري


الصورة الرمزية منصور القصيري
منصور القصيري غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Oct 2011
 أخر زيارة : 01-10-2020 (09:33 PM)
 المشاركات : 2,840 [ + ]
 التقييم :  16
 التقييم :  منصور القصيري مشاركاتك وتقيم الاعضاء الاخرين يرفع مستوى تقييمك
 الدولهـ
Saudi Arabia
لوني المفضل : Saddlebrown

اوسمتي
وسام الالفية الثاني  وسام الحضور المميز  وسام التميز 
عدد الاوسمة: 3

افتراضي



( صحيفة حرب الإعلامية ) : هذه مشاركات من بعض شعراء القبيلة اثناء تفاعلهم مع قضية السجين عوض بن عيد الحويفي الحربي فك الله اسره وعجل بفرجه عاجلاً





قصيدة للشاعر والإعلامي محمد المويعزي
انتم لها ياحرب ياحرب الوفاء حرب الصمود =انتم لها لاكلّحت نيبانها .. سود الليال


انتم لها والوضع قرّب يالأسود من الأسود =يامن لكم تاريخٍ مسطّر على روس الجبال


فزعاتكم فزعاتكم ماهي جديده من جدود =وليا نخت حرب الجنوب استنهضت حرب الشمال


انتم لها ياحرب من حد البحر حتى النفود =انتم لها انتم لها مافيه شك ولا جدال


انتم لها انتم لها انتم لها وارقوا سنود =انتم لها انتم لها انتم لها في كل حال


انتم لها انتم لها بالمنتصف والا الحدود =انتم لها انتم لها مافيه عذر ولا مجال


أمل تنادي .. والأمل بيدين خلاّق الوجود =عيونها بعد الولي تنخى بها كل الرجال


من حرب واللي يبذلون الخير من دار السعود =من كل بقعه بالوطن أو من بعيدين المنال


اللي لهم مع صيحة المحتاج ميقاف وجهود =ارجال ترخص مالها ماحسبّوا لبو .. الريال


انتم لها ورجّالنا ( عوض ) مكبّل بالقيود =والسيف من غمده قرّب يسحبونه يالرجال


تكفون هبوا للقضيه دامها بدفع النقود =الهمّه الهمّه ترا ماباقي الا . كم .. ليال ..!!

قصيدة للشاعر عبدالكريم عماير الزبالي


سج الخفوق وتاه من زايد الضيق =قصده يحصلة موانس وناسي


ثم التجاء بالله ولي المخاليق =الى يزيل الهم لو كان قاسي


وأسرج خيول أهل الوجيه المطاليق =أهل مواقف مثل صم الرواسي


آلاد الحويفي صادقين المواثيق =لابة عناد أمسيسين الكراسي


أعناد شيخ إيحقق النصر تحقيق =من دون ربعة لة مقام اساسي


بسمة ننادي حرب روس الشواهيق =إنقول أفزعو ياحرب بأمر حماسي


رفيقكم صكت عليه المغاليق =وحطولنا موعد محدد قياسي


تكفون لا تلحق عليه الملاحيق =أمر عوض لن زاد زاد المآسي


الصقر ما يكفخ بليا مسابيق =والضفر له ماقف يزيل العماسي


تكفون لا ينسئ عوض يابس الريق =ياحرب ياربعي وياتاج راسي


انتم هل الماقف ورد المواسيق =يوم (ن) كل له فعول وحساسي


قصيدة للشاعر بندر دريميح الزبالي


ياقويين العزوم الوضع مافيه احتمالي =الحويفي مابقي من عمره إلا كم ليله


ياقبايل حرب ياعزي قبل شوف الهلالي =حثوا خطاكم على دورب المراجل والفضيلة


كل علم تحتمونه في اول الدنيا وتالي =ياقبايل حرب ننخاكم على مد الجزيله


وقفوله وافزعوله وارخصوله كل غالي =يااهل الوقفات دايم ماعليكم مستحيله


ياشيوخ القوم مقدم ربعكم في كل حالي =فعلكم مشهودله بالطيب ومثبت دليله


ياطوليين الشبور ويامطاليق الرجالي =ياجمال ترتكي لحمولها لوهي ثقيله


ابذلو مجهودكم والله عليه الاتكالي =جمعوها وادفعوها والعدل ما مال ميله


عزوتي ياربعتي يامكسبي ياراس مالي =حزة الميقاف حانت لعوض واخلو سبيله


قبل ماختم كلامي يامداغيش العيالي =سجلوها وارسلوها وعمموها للقبيله


هانت الدعوه تراها مابها شك وجدالي =ياهل الفزعات والله مابقي غير الجميله

قصيدة للشاعر راجح المحمدي



قولوا لأمل لا تلطم الخد وتصيح =إن قاله الله غير تفرح بأبوها..


حنا توكلنا على مجري الريح =حرب وقفت من شانها كلبوها..


أمل عوض يامبعدين المشاويح =تكفون تكفون بعوض بشروها..


يا تاج راسي محزمي بالطحاطيح =يا درع جنبي يا ذراي انجزوها..


للمعجزة من غيركم يالزحازيح =المعجزات لحرب قد وسّموها..


موضحاتٍ مايبن زود توضيح =أهل الذمم لا سولفوا ما جحدوها..


قول الصحيح يصح من دون تصحيح =واللي ماهي بصحيح لو لصمقوها..


وقول الصحيح يصح ماهو قرى صيح =وأهل الصحيح العاليات اعتلوها..


وآخر كلام منقح القاف تنقيح =ما قل دل وللجميع ارسلوها..


ويالله ياربي عليك التساميح =أمل يارب تحقق آمال أبوها


قصيدة للشاعر سعد نفاع الجابري




حرب ياحرب الروس الطويلات =يأهل الوفاء والسعد والحميا


هذا وقت الفزعة غير الجميلات =كما عاداتكم فوق روس العليا


ترى ماباقي إلا أياماً وليلات =مشا الوقت وآزف والعميل عيا


أمل تنخاكم يالوجيه الرحيبات =وأنتم بصرها وأبوها وقت العميا


تنظر لكرمكم قبل أياماً قليلات =وأكيد أنتم جودها يأهل العطيا


أبوها الحويفي ورا قفل الطليبات =وأنتم درعه قبل سيف العصيا


حرب ياحرب الحمول الثقيلات =عاداتكم حلها لياجات القصيا


قصيدتين للشاعر : رضي بن زهيميل الحربي




امل تنادي تستغيث بحرب والدنيا بخير =امل تصيح بصوتها المبحوح وين الطيبين


امل تناديكم بصوت يقوم الطفل الصغير =وتقول انا مانمت كان الناس غيري نايمين


اسهرني الصوت الحزين اللي بربعه يستجير =اسمع صدى الاصوات لكن صاحب الاصوات وين


طير (ن) يرفرف في قفص ماله جدا حتى يطير =من يسلمه ليّه عساكم من جهنم سالمين


بذل الجهود اسباب والمكتوب من ربي يصير =ومسلميّن الامر للمعبود رب العالمين







‏بنتكم ياحرب ابوها حي لاتصبح يتيمه =ثم تصبح سالفه كل (ن) على كيفه كتبها


حرص والا بالمواقف راكبين شداد ريمه =راكبين شدادها ما ينثني قاسي عصبها


اوقفوا وقفة رجل واحد على نيه سليمه =والحظيظ اللي لوجه الله الاعمال إحتسبها


إزهدوا في زهرة الدنيا ترى ماهي غنيمه =الغنيمه جنة(ن) ياسعد مخلوق(ن) طلبها


العباد مسافره ماهي على الدنيا مقيمه =الموادع والرحيل اقرب من العين إلهدبها


جهزوا زاد الرحيل اعمال خيرة (ن) عظيمه =يوم ما ينفع عباد الله نسبها مع حسبها


وبارك الله في قلوب (ن )طيبه غضه رحيمه =كلها عطف وحنان وشاكره رب (ن) وهبها


وبارك الله باليمين اللي ليا مدة كريمه =حوفها من الفقر عن جزل العطايا ما حجبها


وكل حربي فيه فزعه للحروب الله يديمه =ناركم حيه ولا يمنع تزيدون إبحطبها

قصيدة للشاعر حمود حامد الجابري




‏تكفون يا اهل الخير تكفون تكفون =أمل تناديكم على شوف غالي


‏ترفع يديها مثل ماانتم تشوفون =تطلب ولياً عالم بكل حالي


‏عمره صغير وبالاصابع يعدون =شوفة أبوها غايته والمنالي


‏متحضنه صورته والدمع مكنون =والعين ذوبها الدموع الثقالي


‏من شافت الدنيا وابوها ومسجون =واشلون تفرح من ظروف الليالي


‏استبشرت بالخير مما تقولون =ان القضية جاها الانحلالي


‏‏امقرر سبعة وعشرين مليون =ويبقى الأمل بالله رب الجلالي


‏ثم الرجال اللي على الخير يسعون =اللي سعت بالخير في كل حالي


‏‏يا الله يا المعبود يا والي الكون =يا الواحد القهار منشا الخيالي


‏يا عالم في كل خافي ومكنون =يا اللي عليك الأمر والاتكالي


‏‏يا واحد باسمه عباده يلبون =رحمتك من جور الهموم الثقالي


‏ويا عزوتي ياحرب ياللي تفزون =تاريخكم بالعز باول وتالي


‏‏وقفاتكم يشهد لها كل مغبون =ودخيلكم يبشر بظل ظلالي


‏ربعي هل الطالع على العز يمشون =اهل الوفا اللي يحتمون التوالي


‏‏أمجادهم وسط الدواوين يروون =يوم انها وقت السيوف الصقالي


‏واليوم ماعنه عذر لو يعذرون =رجالنا يحتاج وقفة رجالي


‏‏عوض نخاكم وانتم العز والعون =والطيب ماينقص كريم السبالي


‏وختامها صلوا عدد من يصلون =صلوا على المختار بآخر مقالي



 
 توقيع : منصور القصيري



رد مع اقتباس