عرض مشاركة واحدة
قديم 07-01-2014, 06:10 AM   #1




الصورة الرمزية فهد سعد
فهد سعد متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : اليوم (02:06 AM)
 المشاركات : 283 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
 اوسمتي
وسام الحضور المميز  وسام العطاء  وسام التميز 
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

23 ياهل قطن جيت اهنيكم بالابن الابر





منتديات القصيرين - قصيدة الشاعر/ سعد بن عبيدالله القصيري
بمناسبة تعيين الشيخ ممدوح بن نايف الديري رئيساً لمركز قطن

من اسعد ايامنا السابع عشر من صفر=عام الف وربع ميه وخمس وثلاثين
في مثل هاليوم ذكرى تدوم طول الدهر=تاريخ تنصيب شيخ وشوف غالين
نجم طلع وارتفع وامعنت فيه النظر= ونظمت به قاف شعر له مضامين
الله يهنيك ياممدوح طول العمر = ويقوم حظك وكل امورك تزين
وتكون مفتاح خير تكون مغلاق شر = وتنهض بديرتك في كل الميادين
والله الليا حب عبده حببه للبشر = ويمكنه من قلوب الناس تمكين
ياهل قطن جيت اهنيكم بالابن الابر = يا اولاد مقصر مرجحت الموازين
ارض نزلتوا بها ينزل عليها المطر =واشجارها تصبح ورود ورياحين
ياتاج راسي ونوماسي وذخر وفخر = ودرعي وسيفي بوقت العسر واللين
اجدادكم من مزينه مع علي وعمر=قادة وسادة ورواد الدواوين
اشيد بافعالكم في كل شطر وسطر= بحروف تسوى لها اولوف وملايين
واشوش واشعر بنشوة قايد منتصر =عساكره وقفوا له مستعدين
ولي ديرة تختلف ماهي بمثل الدير= علامة فارقة منظر وتكوين
يشفق على شوفها من شافها بالصور= ومن طبها كود يرجع لو بعد حين
نسمة هواها وماها كن فيها سحر = حقايق ثابتة ماهي بتخمين
نقشت فيها القصايد فوق صم الحجر= ولبستها من الذهب واحد وعشرين
ياما تغنوا بها الشعار بدو وحضر= وياما تمشوا بها ملوك وسلاطين
سهولها تكتنفها هضاب بيض وحمر= وان ربعت كنها خضر البساتين
مع جلسة بالفيايا الصبح والا العصر= تغنيك عن منتزة لندن وبرلين
واشجار متشابكة طلح وسيال وسمر = غابات غنى تحجب الشمس ما تبين
ونخيل كاليل كم جادت بحلو الثمر = لكن تقافت عليها سنين وسنين
الله يعجلها بالوابل المستمر = مقدم مزونة مثل روس الضلاعين
يضفي على ارض الخليج من البحر للبحر= يهل ويبل كبد الارض وتلين
يسوق سوقات ياما خف ياما انهمر= السيل يجري وهو مايجرح الطين
لين انها تلبس الريضان ثوب خضر= ووقت الرخاء يجتمع شمل المحبين
تمت وصلوا على المختار يامن حضر = والله يحفظ بلدنا قولوا امين


شكرا لك على تواصلك نسعد بزيارتك فأهلا وسهلا بك





dhig r'k [dj hikd;l fhghfk hghfv ll],p lv;. hghfv hg]dvd hgahuv hgahuvsu] hgwfp hikd;l fhghfk fptg juddk dhig []m vzds su] ufd]hggi khdt rwd]m r'k



 

رد مع اقتباس