منتديات القصيرين من حرب

منتديات القصيرين من حرب (http://www.alqesuirien.com/vb/index.php)
-   منتدى الشعر الشعبي (http://www.alqesuirien.com/vb/forumdisplay.php?f=17)
-   -   رد: على الشاعر الكبير:بندر فلاح ابو فهد (http://www.alqesuirien.com/vb/showthread.php?t=1617)

محمد دويشر النصره 24-01-2012 12:36 AM

رد: على الشاعر الكبير:بندر فلاح ابو فهد
 
السلام عليكم ورحمة الله وبركاته

شرفني اخي العزيز بندر فلاح بتوجيه هذه القصديه كم ذكر بهذا الرابط
http://www.alqesairy.com/vb/showthread.php?t=1551

وهو تشريف من شاعر بحجمه لي


وهنا ردي التواضع عليه امل ان يرتقي لصوت الشامخ


0

0


تهيض غرامي والقلم ورس القرطاس=تحدر على خد الورق يرعف انتاجه
ورفعت الجبين لشاعراً للوفاء نبراس=فخر والفخر لهل الفخر زان معراجه
مثاقل ابيوتاً صاغها كاسب النوماس=رفيقٍ على طول الزمن يضحك احجاجه
وقفنا شموخ لمقدمه والغلا مايقاس=صديقٍ على باب الوفاء ولع اسراجه
هلا به عدد من فوق ظهر الوطيه داس=اجموعن عليها للمقاسيم دواجه
فرحت بجواب ابو فهد فرحة الغراس=بدهماً سرت بمشعشع البرق لعاجه
جواباً فرايض ماحوى ترق النعاس=تحد الكرى لاجاز للجفن هملاجه
شكى واشتكا لي من زمان الجفاء المنحاس=عليه الفضاء عقب الرضى ضاقت افجاجه
مدامه يقول ابعطي القوس للقواس=وانا عارف اني ماتطاول مع ابراجه
انا عارفه زير القوافي وانا جساس=اليا دارت الهيجاء تركني بمسهاجه
ولاكن اببدي ماستطيعه وفاء واحساس=يقولون لا ناجاك راع الوفاء ناجه
الا ياقصيري يالمزيني عسى ماباس=تقول الدهر يابو فهد عاود ادراجه
تعرف الزمن يامسندي دايس ودواس=يحج الملا والخلق للعفو محتاجه
بحر والبحر يابو فهد يتعب الغطاس=تروع عباعيبه الى هاجت امواجه
ولاكن تمهل واحفظ لنفسك المتراس=تساير لمسلاكاً له اخطاك منعاجه
وانا معك ابسري وتعوذ من الوسواس=واجنب ملم الخلق صمته ولجلاجه
ابزبن على هارون مزبان ابو نواس=وباباً يجيب الريح باصك مزلاجه
تعبت وتعب قبلي من المدركين اجناس=من الخلق ناسٍ خلو البوب هج هاجه
ابا صد ونصح من يجي للخبر عساس=يريح النضا ماعاد لي بالخبر حاجه
وتقبل سلامي عد ماقرنس القرناس=وعدد مابهض غلس الدجى مشفقًا باجه
سلامٍ يعمك من مواطيك حتى الراس=تحية موداً شوفتك فلت احجاجه

فلاج المعلث 24-01-2012 03:32 PM

بـدهـمــاً ســــرت بمـشـعـشـع الــبــرق لـعــاجــه
مرحبا اخي ابو نواف 0 وصفتين للبرق الثانية ابلغ من الاولى صح لسانك وبيض الله وجهك وابو فهد يستاهل 0 تقبل احترامي

بندر فلاح 26-01-2012 02:23 PM

حياك الله ياأبو نواف وصح لسانك وبيض الله وجهك شاعر متمكن بدون شك وكل حرف كتبته بهذة الشامخة هو محل أهتمامي وأعتزازي ويشرفني كل التشريف تحياتي وتقديري للجميع

محمد دويشر النصره 02-02-2012 08:35 AM

فلاج المعلث

بندر فلاح

بكم تزهو المعاني ويسعد ويتشرف كاتبها

لاهنتم

تقديري

محمد 02-02-2012 10:07 PM

صح لسانك اخوي محمد
شموخ الحرف تكتبه اقلامك
سلمت ودمت مبدع
دام بـــــوحك .

محمد فلاح القصيري 03-02-2012 01:39 PM

إعتذار عن تأخير الرد

والله إني أحسب أن أول من رد علي هذه القصيدة الشامخة أنا

ولكني تفاجئت عندما قريت رد الشاعر محمد دويشر النصره

علي الأخ فلاج والأخ بندر وراجعت القصيده ولقيت أني لم ارد

عليها وقائل القصيدة عزيز وغالي والموجهه له عزيزغالي

وأدري أن عندهم ثقه بأنفسهم وبما يقولون وما يفعلون

وقدرهم عندي أكبر وأكثرمما قلت

وأرجو السموحه من الجميع وجلا من لا يسهو

تحــــياتـــي

محمد دويشر النصره 03-02-2012 02:51 PM

اخوي محمد

شكرا لسمو اطراءك ورقي انطباعك تشرفت بتواجدك


محمد فلاح القصيري

الله لايهينك يالغالي وماقصرت ومجرد اطلاعك يسعدني ويشرفني فقراءة امثالك وانطباعهم هوا الاهم

وماجا منك قصور فشعورك معروف ومشاعرك النبيله واضحه بسمو اطراءك ورقي انطباعك وسمو ذائقتك لاهنت يابعدي وتشرفت بأطراءك الكريم وتواجدك المشرف

احترامي

الصامل 03-02-2012 09:04 PM

الشاعر الوافي ابونواف صح لسانك ملايين ولايستغرب الطيب والابداع منك فأنت وابوفهد قامات شامخه
وتقبل تحياتي

فواز بن سعود 08-02-2012 11:43 AM

،،

قصيدة جزله ورائعة بكل ما تحمل من معاني ومشاعر وصور شعريه

المدح الحقيقي من شيم الرجال الكرام وأنت ومن مدحت تستحقون المدح

أهنئيك على الإبداع والتمييز المصاحب لك أينما كنت

الله يوفقك ويبارك لك في قصيدك الجزل وأن يكون خيراً لك في كل حين


تقبل مروري الطويل

ولك مني جزيل التحيه

.
.

صدام 02-10-2012 06:53 AM

صح لسانك والله يعطيك العافيه


الساعة الآن 06:42 PM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team