منتديات القصيرين من حرب

منتديات القصيرين من حرب (http://www.alqesuirien.com/vb/index.php)
-   الالغاز المحلولة (http://www.alqesuirien.com/vb/forumdisplay.php?f=60)
-   -   انشدك عن رجل مثبت على جال (http://www.alqesuirien.com/vb/showthread.php?t=5119)

سويلم بن سرور القصيري 29-08-2014 09:33 AM

انشدك عن رجل مثبت على جال
 
السلام عليكم ورحمة الله وبركاته حبيت اشارككم اليوم بهالقسم المميز
بالغز متواضع امل ان يحوز على رضاكم



انشدك عن رجل مثبت على جال = اهل القرى واهل المدن يعرفونه
يشارك السكان في روس الاموال = حتى العرب مصروفهم يدفعونه
ليا زعل مايقنعه اي رجال = الا عرب مندوبهم يرسلونه


عبدالله مانع القصيري 29-08-2014 11:18 AM

عليكم السلام ورحمة الله وبركاته
شكرا يالشاعر سويلم بن سرور القصيري

ياللي كتبت اللغز للغز حلال =يالله عسى الرمعات ماتطيح دونه
ولاكان عندي رمعتن جتك بالحال =
هذاك عداد الكهارب ولازال =وان كان ماسددتهم يقطعونه

سويلم بن سرور القصيري 29-08-2014 01:20 PM


تستاهل من دلة الكيف فنجال = ياللي خليت العرب يعرفونه
صح السانك اخوي متعب الافكار وحلك صحيح وانت شاعر متمكن والله يعطيك العافيه

شلاح صالح بن فازع 29-08-2014 01:35 PM

الشاعر : سويلم سرور القصيري

صح لسانك على هذا اللغز الجزل ولا يجي منك الا الجزل الله يحفظك الحل

عساك تسلم ياابيض الوجه ياخال =السيف والم والجواد مــعـانونه
نوً وطأ رووس الشواهيق هـمــال =لااداعبه ريح الهواء مع غشونه
اللغز حله بالوفاء طـيب الــفـــال =ونبي نضيف الحونا مع لحــونه
عبدالله المانع على الــقول لا قال =وسقنا المطايا مع طرايف ضعونه
تحياتي لك يابو وليد ...
أخوكم / شلاح بن فازع

سويلم بن سرور القصيري 29-08-2014 11:05 PM

صح بدنك ياخوي شلاح ماقصرت وبيض الله وجهك اسعدتني بردك

انا اشهد انك فارس الخيل خيال = كيد المعادي لوتكبر ظنونه
انته وابو مانع لكم قدر واجلال = بيت الشعر من صخرها تنحتونه
ربع لهم في قمة الطيب منزال = راع الوفا والطيب ماله مهونه


شلاح صالح بن فازع 29-08-2014 11:45 PM

لا هنت يابو وليد على اللغز الجميل والكلمات الطيبه الله يطيب فالك ويطول عمرك
عادتن حل الالغاز ذكاء فكري ورياضيات فكريه ولك جزيل الشكر والتقدير على جهودك الطيبة والشكر موصول لخوي الشاعر عبدالله المانع على حل اللغز بوقت موجز الله لا يهينكم
يطول عمرك يابيض الوجه ياخال *** زبن الرفيق اليا اعتزابه وعونه
تحياتي وتقديري لك يابو وليد ...
أخوك/شلاح بن فازع

منصور القصيري 01-09-2014 01:04 PM

صح السنتكم والله يعطيكم العافية
تحياتي وتقديري للجميع


الساعة الآن 01:59 PM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team