منتديات القصيرين من حرب

منتديات القصيرين من حرب (http://www.alqesuirien.com/vb/index.php)
-   الالغاز المحلولة (http://www.alqesuirien.com/vb/forumdisplay.php?f=60)
-   -   ياويش بنتن طوقت بالحديدي (http://www.alqesuirien.com/vb/showthread.php?t=5121)

شلاح صالح بن فازع 29-08-2014 08:36 PM

ياويش بنتن طوقت بالحديدي
 
مساكم الله بالخير جميعاً واطرح هذا اللغز وحله منه فيه لعل ينال على اعجابكم

نبي نحــل اللغازنـا بالــقصــيدي =وناخذ مع جزل المعاني طـــواريـق
والعلم واضح ما يبــيله شهيدي =ونبي نسوقها مع النـــت تســــويق
لو كل واحد في مكــانه بعــيدي =ياحلو من بعد الســـوالف تعـــالــيق
ياويش بنتن طوقـت بالحــديدي =وش اسمها ياهل الوجيه المــطالــيق
راحت سدا يوم ارتكبها الثميدي =بأرضن خلا يهرف بها الذيب ويويق
وقبلي نعوها محكمــين النشيدي =من غبنها من غبنها تنشف الريـــق


تحياتي للجميع ...
أخوكم / شلاح بن فازع

ابو تميم 30-08-2014 11:45 AM

مشكور على طرح الغز الجزل يا بن فا ز ع لنا عوده انشاء الله بعد المحاوله
تحياتي

عبدالله مانع القصيري 30-08-2014 03:08 PM

شكرا يالشاعر شلاح بن فازع على هاللغز الجزل والمليان بالمعاني والقافيات الطويلة
ونبي نحاول محاوله وعسى أن تصيب الهدف المنشود

ياشاعرن وديت لغزك بعيدي =وندوره والله عليه التوافيق
أما لقينا الحل ولا نعيدي=والعلم عند موثق العلم توثيق
والأسم هي المطيبة ياعضيدي=والعود داره عقب بنن الى سيق
مع تحيات أخوك متعب الافكار.

شلاح صالح بن فازع 30-08-2014 05:08 PM

اقتباس:

المشاركة الأصلية كتبت بواسطة ابو تميم (المشاركة 36361)
مشكور على طرح الغز الجزل يا بن فا ز ع لنا عوده انشاء الله بعد المحاوله
تحياتي

اخوي الكريم : ابو تميم
اشكرك على المرور والتعليق الله يعافيك

شلاح صالح بن فازع 30-08-2014 05:16 PM

اقتباس:
المشاركة الأصلية كتبت بواسطة متعب الافكار http://www.alqesuirien.com/vb/tl4s_a...s/viewpost.gif

شكرا يالشاعر شلاح بن فازع على هاللغز الجزل والمليان بالمعاني والقافيات الطويلة
ونبي نحاول محاوله وعسى أن تصيب الهدف المنشود

ياشاعرن وديت لغزك بعيدي =وندوره والله عليه التوافيق
أما لقينا الحل ولا نعيدي=والعلم عند موثق العلم توثيق
والأسم هي المطيبة ياعضيدي=والعود داره عقب بنن الى سيق
مع تحيات أخوك متعب الافكار.


الله يحييك ويعافيك يابو محمد
مالك لوا

مالك لوا ياعل عمرك سعــــيدي =البنت عذرى وافخـــتتها المــسابـيق
غشام حوّل للهدف مـن بعـــيدي =الخوف مايــفك الرهـــو والغرانـــيق
يذوب من غبن الكبود الحــديدي =عقب الخطأ يتبع وراء فعل تصفيق
ولا باد قيداً ينفتل مـــنه قـــيدي =شوك النقيعه مايــسمى ثعــــالـــيق


تحياتي لك ...
أخوك/شلاح بن فازع

أبوزياد العويمري 30-08-2014 05:47 PM

السﻻم عليكم ورحمة الله وبركاته
والله يسعد جميع اوقاتكم بالخير
واشكرك اخوي شﻻح صالح على هذا اللغز الجزل والطيب وعادتك
الجزاله والطيب وﻻ يستغرب منك

وعندي محاوله بالحل


يالشاعر اللي ﻻحضر نستفيدي =ومشاركاته كلبوها لنا تليق
يامرحبابك عد خضر الجريدي =واعداد عشب ﻻزما له زماليق
والبنت غزه كان ظني يصيدي =تنخى العرب ماحد على صوتها يفيق

شلاح صالح بن فازع 31-08-2014 05:42 AM

اقتباس:
المشاركة الأصلية كتبت بواسطة أبوزياد العويمري http://www.alqesuirien.com/vb/tl4s_a...s/viewpost.gif
لسلام عليكم ورحمة الله وبركاته
والله يسعد جميع اوقاتكم بالخير
واشكرك اخوي شلاح صالح على هذا اللغز الجزل والطيب وعادتك
الجزاله والطيب وﻻ يستغرب منك

وعندي محاوله بالحل


يالشاعر اللي ﻻحضر نستفيدي =ومشاركاته كلبوها لنا تليق
يامرحبابك عد خضر الجريدي =واعداد عشب ﻻزما له زماليق
والبنت غزه كان ظني يصيدي =تنخى العرب ماحد على صوتها يفيق


اخوي الشاعر : ابو زياد العويمري

صباح الخير اشكرك انت وجميع الاعضاء والمتصفحين والزوار الله يحفظكم جميعاً
وجميع من حاول حل هذا اللغز له مني جزيل الشكر والتقدير
مثل ما اسلفت نبي نحل اللغازنا بالقصيدي



غير المكارم ما يفيد الرصيدي =مهما بنينا ناطحات الشــواهيق
امر ودها يوم راحت سميــدي =اطفال تبكي والعذاره زواهـــيق
معها ورد حبل الدرك للوريدي =تنخى رجالن للمكارم معاشـــيق
الحل غزة يا حــياة الزهــيدي =ويابن عويمر شربكتها المعاويق
اشكرك جزيل الشكر على حل هذا اللغز ورمعه موفقه والحل الصحيح هي (غزة)
نسأل الله سبحانه وتعالى منشئ السحاب وهازم الاحزاب مخرج الحي من الميت ومخرج الميت من الحي ان يفك اسرها ويردها رداً جميلاً والله قادر على ذلك اللهم امين يا رب العالمين
تحياتي وتقديري لك ...
أخوك/شلاح بن فازع








سويلم بن سرور القصيري 31-08-2014 10:46 AM

صح لسانك يالاخ الشاعر شلاح لغز جزل من شاعر جزل وصح لسان ابوزياد على هذا الحل والله يوفق الجميع

منصور القصيري 01-09-2014 01:02 PM

صح السنتكم والله يعطيكم العافية
تحياتي وتقديري للجميع


الساعة الآن 06:22 AM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team