آخر 10 مواضيع : الشعر له وقــــت (الكاتـب : - )           »          صور مشبات بافضل الديكورات والابداعات الجديده والمستمر في المشبات حيث نقوم بكافت اعما (الكاتـب : - )           »          يامحلا الفكس ار زين الوصايف (الكاتـب : - )           »          مفهوم الشهادة ومنازل الشهداء خطبة جمعة (الكاتـب : - )           »          حين رفض إبليس السجود لأدم لم يكن هناك شيطان فمن وسوس له (الكاتـب : - )           »          القيم الإنسانية في سورة الحجرات خطبة جمعة (الكاتـب : - )           »          صباغ الدمام صباغ - صباغ دهانات جميع الالوان0555030324 (الكاتـب : - )           »          سلام مني للرجال المشاكيل (الكاتـب : - )           »          مقاول في جدة ملاحق تشطيب ترميم فلل عمائر0507057025 مقاول ترميمات (الكاتـب : - )           »          تنسيق اشجار تصميم وتركيب نوافير عشب صناعي تصميم شلالات0556242888 (الكاتـب : - )

 
 عدد الضغطات  : 1766  
 عدد الضغطات  : 769  
 عدد الضغطات  : 949


العودة   منتديات القصيرين من حرب > المنتديات الأدبية > منتدى المشاركات الادبيه المنقولة
أهلا وسهلا بك في منتديات القصيرين من حرب.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه

الإهداءات

إضافة رد
قديم 26-10-2019, 02:25 AM   #21




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 22-04-2021 (09:40 PM)
 المشاركات : 283 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي عدل وبدل





عدل وبدل وغير جو= ولا عاد تندم على مافات
اخطيت والا عليك اخطو=لا تعد الاغلاط والزلات
ولاتنشد الناس وش سوو=تطلع حكايات واحكايات
بعض المجالس مجالس سو=تلقى المنافق مع الشمات
من اول الوقت ما هو تو=ماخلوا الحي واللي مات
ناسٍ اليا جيتهم حيو=وقالوا هلا وابرك الساعات
ومن يوم تقفي رموك بضو=وحطوك مقلي ومشويات
الذ وجبه لهم تحلو=وغيرك لها ملح وبهارات
اللي تاثر بما قالو=كبده تفتت من الحسرات
ياناس يانايمين اصحو=قبل يجي هادم اللذات
=الشاعر سعد عبيدالله القصيري



 


رد مع اقتباس
قديم 13-03-2020, 07:35 PM   #22




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 22-04-2021 (09:40 PM)
 المشاركات : 283 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي اهداء للشيخ ضيف الله متعب الفهيدي الحربي والشيخ مشعل عويسان السبيعي





يابن زويد جيت من شان داعيك=بقاف شعرٍ ما يجي بالسهاله
متفقده ومنقده قبل ما اجيك=مثل الحريص اليا تفقد حلاله
اختار بالزينات هذي وهذيك=لو ان كل الزين صعب اكـتماله
الله يحيي كل من جاك ناصيك=كمل وجمل جمل الله حاله
ويامرحبا يامشعل الله يحييك=سلمت ياراع الوفا والجماله
بنيت لك مجدٍ صنعته باياديك=ما هي غريبه من سبيع الجزاله
ساعدت ضيف الله عسى الله يعافيك=من يوم قلة حيلته واحتياله
فزعت سبيعيٍ اليا جات تشفيك=مثل المطر يوم انهمر من خياله
بالمبلغ المطلوب سلمت له شيك=يوم المواتر حاجزتها الوكاله
من عذر عينه لو يعزك ويغليك=وسما على اسمك واحدٍ من عياله
يبي اليا ناداه كنه يناديك=وتصير يا ابو سعود كنك قباله
ويبيه يطلع مرجليٍ يحاليك=وان صار مثل ابوه ياحي فاله
الله يا ابو تركي عن الناس يغنيك=ويصلح ولدك اللي حضرنا احتفاله
جينا نبارلك لك وجينا نهنيك=الله يقبل دعوة اللي دعاله
يبي يجي صقرٍ ليا هد يكفيك=من يوم شهران العريضه خواله
رجالهم من تزهمه قال لبيك=يهتز من زود السطر السطر والشكاله
الميت يموتك والحي يحييك=مثل الوقود اللي سريع اشتعاله
الله يامشعل على الخير يهديك=وتساعد الوالد بحمل الرساله
ترى الفهود عيال عمك واهاليك=من روس حرب اهل الشرف واشكاله
املاكهم من قبل عهد المماليك=بارض الحجاز وغرب نجد وشماله
الشاعر سعد عبيدالله القصيري


 

التعديل الأخير تم بواسطة فهد سعد ; 11-04-2020 الساعة 05:05 PM

رد مع اقتباس
قديم 19-03-2020, 07:53 PM   #23




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 22-04-2021 (09:40 PM)
 المشاركات : 283 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي اهدء للشيخ نايف فارس بن شطينه القصيري




يامحلا ال فكس ار زين الوصايف = توه مورد عن طريق الامارات
محشوم مثل الضيف عند المضايف = والا ابلجٍ حاصل على اعلا الشهادات
عليه من وصف البني العفايف = مظهر ولون وجاذبيه ولمحات
كن اشتغاله همسهن بالشفايف = وترديدهن لاحلا الجمل والعبارات
ابيه لايام القنص والمصايف = وابيه لايام العطل والاجازات
يفز مثل الظبي لافز خايف = واليا تحرك حدد الاتجهات
يطلع طلوع الصقر لاصار شايف = الصيده اللي مالها منه منجات
اليا انطلق من راس رجمٍ مهايف = صاروخٍ اطلق من قواعد عربسات
تضربه اصعب درب مانته بخايف = برمال والاجبال والا مطبات
ممشاه من حمر الجبال النوايف = لقراين الترمس ديار الشطينات
ربعٍ لنا مثل السيوف الرهايف = سقم المعادي يوم للقوم غارات
حواتمٍ ما حسبوا للكلايف = لا صارت الدعوا عزواي وفزعات
في ديرةٍ ضمة جميع الطوايف = يوم انها صارت مزارع وخيرات
دارٍ لذاعر قبل وقت الوظايف = بذل بها المجهود لين انها جات
وافتكها من كل طامع وحايف = لين اصبحت واحه وراحه وجنات
اذكر بني عمي ببيض الصحايف = وادعي لهم بالخير في كل الاوقات
وازورهم لو الزياره خفايف = لاجل المشاهد لو دقايق ولحظات
نلفي وملفانا على الشيخ نايف = صميدعٍ له بالنشاما علاقات
كريم سبلا اللي علومه طرايف = عليه من جده وصوف وعلامات
اللي عرف ذاعر اليا شاف نايف = يقول ذاعر باقيٍ حي ما مات
الشاعر: سعد بن عبيدالله القصيري


 


رد مع اقتباس
قديم 12-05-2020, 02:58 AM   #24




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 22-04-2021 (09:40 PM)
 المشاركات : 283 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي لامــر الـمـلك نـقــول سمعاً وطـاعـه




بتويتر اصبحت من عرض الجماعه=ارسل تغاريد واستقبل تغاريد
غنيت بالقاف ماليه اطماعه=الا الوناسه مع قروم الاواليد
متخيره مثل ماختارالبضاعه=والا الثمر من فروع الشمخ الغيد
الشعر له وقت ماهو كل ساعه=العفو يامرددين الهرج ترديد
الناس كلوا وملوا من سماعه=(لو زدت غباً تزد حباً) وتاييد
جامل مع الناس قدرالاستطاعه=ما فيه داعي تزعل زيد وعبيد
الوصل والصلح اخير من القطاعه=ساهم بشي يخدم الناس ويفيد
ولا تجامل اللي هدم حظه وباعه=ما خاف من عاقبة ظلم الاجاويد
العلم والحلم ما سبب ضياعه=الا رواة الحديث بدون تاكيد
ونقول لامر الملك سمعاً وطاعه=له ولولي العهد بيعه وتجديد
الشعب كله بدت عنده قناعه=راضين باللي كتبه الله ومايريد
شعبٍ بهم دين واخلاص وشجاعه=اخوان واعوان وابطالٍ صناديد
اهل وطن ما تزعزنا الاشاعه=ولا نستمع وش يقولون الحواسيد
لو نجتهد بالصناعة والزراعه=يكفينا الانتاج ما نحتاج توريد
الغصن بالحصن لازاد ارتفاعه=ما هم ذم الثعالب للعناقيد
ثلث البشر عاش بحروب ومجاعه=وثلثين هددهم الفيروس تهديد
الادمي قام يجفل من متاعه=وفي كل يوم يزيد الامر تعقيد
يارب نرفع لك اكفوف الضراعه=لرفع الوباء والبلاء مع طلة العيد
الشاعر سعد بن عبيد الله القصيري


 


رد مع اقتباس
قديم 21-06-2020, 05:04 PM   #25




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 22-04-2021 (09:40 PM)
 المشاركات : 283 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي اصبر علي اشوي وابشر يا الحبيب




اصبر علي اشوي وابشر يا الحبيب=بالدره اللي قبل ما احدٍ قالها
لا قمت اهوجس تقل ادور لي ذهیب=اجيبها ولا تجي من حالها
لا روحت سحبٍ مطرها له صبيب=من المزون اللي تخيل اخيالها
تجذبني الخضره وصوت العندليب=وحمر الجبال اليا درج شلالها
لو شاب راس العود قلبه ما يشيب=الملعبه يرقص على موالها
ولا يكل ولا يمل ولا يهيب=حتى ينوخ للحمول جمالها
من ظن فينا الزين ظنه ما يخيب=واننزل شيوخ العرب منزالها
یا ابو فهد يا الشاعر الفذ اللبيب=قهويتني من دلةٍ فنجالها
فنجالها مثل العسل ولا الحليب=در البكار اللي صغار اعيالها
بالمرجله دايم لكم حظ ونصيب=من ساس عد وجد ما يبغالها
من بيت عز وبيت شعر وبيت طيب=ذباحة سمان الغنم وجزالها
الشاعر سعد بن عبيدالله القصيري


 


رد مع اقتباس
قديم 04-07-2020, 05:56 AM   #26




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 22-04-2021 (09:40 PM)
 المشاركات : 283 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي اهداء للعقيد ركن فيصل بن معجب القصيري




مـــع أطيب تحية وفائق التقدير اهداء الى
العقيد ركن/ فيـصـل بن مـعـجـب القصيري الحربي
‏متى على الله تـــرقـا مــن عــقـيد ال عميد=ومتى على الله ترقا من عـــميـــد ال لـــواء
الله مـــمـــيزك يافـــيصــل بــطـبـعٍ فريد=مـا احد طلب منك شي وقلت مالك لواء
انته ولد معجب اللي للرجاجيل ســـيــد=وانته حفيد الرجـــال اللي على مستواء
قـــایـــد برتبة عقيد وكـان جـــدك عقيد=انتم هـــل المنزل العالي وعـــد الـــرواء
افــرح بطاريك يابن العم وافخر واشيد=من حــب واخلاص لا طامع ولالي هواء
واذكرك باجمل بيوتٍ من عيون القصيد=اللي اليا جـــت ولاهـاتقل وصـــفـــة دواء
الشعر متوارثـيـنـه مـــن حفيد آل حفيد=فضلٍ من اللي بعث موسي بوادي طواء
مــــــن جـــدنا اللي کسانا حلة مـــا تبيد=مـــن يوم عنتر وعبله في عيون الجواء
يفداك مـــــن لـــو تكابر رتبته مـــا يفيد=بحجة انــه جـمـــيـع الناس عنده سواء
هــذا الوطن يوم يسلم منه حظه سعید=اللي تلوي ســـواة الـــداب يــــوم التواء
بكره اليا قاعدوه الــربــع يبقا وحـــیــد=ما احدٍ بواقف عليه اليا انطوى وانزواء
يخدعك بالدين حتى اللي من الله بعید=وان صار باعلا المراتب والمكاتب غواء
مـتــســـلـــطٍ يجعل الاحـــرار مثل العبيد=ولا احدٍ درى عنه لين انه طبخ واشتواء
الشاعر سعد عبیدالله القصيري


 


رد مع اقتباس
قديم 26-07-2020, 02:34 AM   #27




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 22-04-2021 (09:40 PM)
 المشاركات : 283 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي مـقـبـول عـــذرك




مقبـول عـذرك وانـت ماكنـت غلـطـان=وكـلامـك الـلـي قـلـت طـيـر عـمـاسـي
ترى الخطا مدموح من بيـن الاخـوان=ولا فـيـه شـــيٍ يـوجــب الاحـتـراسـي
لا اشتـب ضــو ولاحــدٍ شــاف دخــان=ولا صار مـن بيـن الخطـوط التماسـي
نسيـت والنسيـان مـن طبـع الإنـسـان=ومـن نعمـة الله يـوم ننـسـى المـآسـي
يـا صاحبـي واجهتنـا وانــت عـجـلان=يدفـعـك للمقـنـاص شــوق وحـمـاسـي
طـــراد صـيــد وسـامــعٍ ذكــرغــزلان=وعـيـت عـيـونـك تهـتـنـي بالنـعـاسـي
ودك علـى المطـلاع والصـبـح مـا بـان=تـبــا المـقـيـل بـمـوقـعٍ مــــا يــداســي
على الجيوب اللي تقل وصف عقبـان=قـطــم الـخـشـوم مـبـعـدات المـمـاسـي
ما احلا السوالف مع طويلين الايمـان=اللـي كـمـا الشـهـد المصـفـى بكـاسـي
ما هي علوم اللي تقل وصف طرشان=عـادتـهـم الـلـجـة ورفـــع الحـسـاسـي
اهـديـك لـوحـة صاغـهـا حــس فـنـان=مـرصـعـه بـعـقــود لــولــو ومــاســي
والا غــلاك اكـبـر ولــك عنـدنـا شــان=تــفــداك نــــاسٍ كـبـرتـهـا الـكـراســي
وابيوتـك اللـي قلـت يـا طيـر حــوران=مقطـع ذهـب ما هـي مقـاطـع نحـاسـي
انتـه كمـا بــدر الـدجـى كــل مــا بــان=وانـا اقتبـس مــن معرفـتـك اقتبـاسـي
الشاعر سـعـد بن عبيدالله القصيري



 


رد مع اقتباس
قديم 14-10-2020, 05:53 PM   #28




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 22-04-2021 (09:40 PM)
 المشاركات : 283 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي قــصــائـد اجـتـمــاعــيـة




لو تقضي اوقاتك وحيدٍ خلاوي =اخير لك من مجلسٍ ما يناسبك
لا جيت في بعض الضيف والقهاوي =لقيت من يجرح شعورك ويغضبك
اليا جلس بايمنك خبلٍ رغاوي =وبايسرك نمامٍ اليا قمت يشذبك
واليا اعترظ لك واوىٍ عقب واوي=اليا تركته تركته ما تعذربك
وان قال انا شاعر وناقد وراوى =قل يا الحكيم اللي تعدد مواهبك
على اخطر الحنشان وين انت ظاوى؟ =السان حالك قال لك ويش جايبك!
بعص الافاعي ماآل سمه مداوى =لوصوبك عيبك والا يغيبك
اوصيلك لا تجامل لخطو العماوى=اللي بالاريا الهوج والعوج يتعبك
بعض العرب ما هو بيرحم وياوى=اليا قدر ياكل حلالك ويسلبك
لو كان فطرته كبود وكلاوي=وسلمت له تال الشهر كل راتبك
الناس لا يدرون ويش انت ناوى=والسر لا تبديه لاقرب قرايبك
اليوم من كثر الفتن والبلاوى= ما عاد تاثق في رفيقك وصاحبك
واعرف ترى ما احد عن احد غناوي= تحتاج للي مذهبه غير مذهبك
اختر صديقك واعرف من تخاوي=لابد تلقى اللي من الناس يعجبك
ترى الحياة بلا اصدقا وش تساوى=واخوانك اللي مثل دقنك وشاربك
********************************************************************
قمنا انعاني من الوحده ووقت الفراغ =من يوم صارت مجالسنا بدون اجلسا
ابا اطرد الهم واستانس واحذف الشماغ =في جلسةٍ بالصباح وجلسةٍ بالمسا
اليا تقهويت فنجالٍ يعدل الدماغ =متخيرينٍ قدوعه من خلاص الحسا
اصوغ قافٍ كما اللي بالمناجم يصاغ =سبايكٍ من ذهب لملوك ولا اروسا
جلستك وحدك ولايوذيك بعض الفغاغ =اللي عسى الله يهاديهم لعل وعسى
واخير من صحبة اللي لا نوى يروغ راغ =ما تحتزم فيه لاجار الزمان وقسا
لا تشكي اللي ظلمك ولا تقدم بلاغ =الا على الله ب تال الليل لا عسعسا
الما قراح وملاح ومر ما يستساغ =وصفٍ لبعض الرجال ووصف بعض النسا
*******************************************
‏مـادمت في فسحة الامهال = حافظ على الفرض والسنه
ولا تنقص الوزن والمكيال = وعـطـاك لا تـلـحـقه مـنـه
*****************************************************
‏والله ما يامن بوايق عدوه = الا الذي يستامن الذيب والداب
الداب داب الله يكافيك سوه = والذيب ذيب ولا خبرنا له صحاب
لو ان له في ماضي الوقت خوه = من يامنه لاحد ظرسه والانياب
لو يعرف المعروف ولا الربوه = ما ياكل الذي غذته شاة الاعراب
*****************************************************
‏المدحه اللي مقتفيها مسبه= مثل السحابه لا اقتفتها عجاجه
الناس يجمعها الغلا والمحبه =ولاالكلام الشين عيب وسماجه
والشعر مثل السوق كلٍ يطبه = وكلٍ يبيع ويشتري في خراجه
اختار منه الزين والشين اكبه=ماهو حديث الترمذي وابن ماجه
*******************************************************************
بعض الاوادم مريض وعلته عله =يجيك يوم صديق ويوم قوماني
من شلة مالهم مذهب ولا مله = الكل منهم ماغير ايهاجم الثاني
اليا حصلت مشكله يشرد من الذله= ماقد سعى بصلح بين فلان وفلاني
واليا تربع على البراد والدله= اشجع من الصقر والا الذيب سرحاني

******************************************************************
لاو الله الا روحن الركايب = في رحلةٍ ينهنها البيض والسود
اللي مضى ازعل لو يقون شايب = واليوم ما ازعل لو يقولون ياالعود
الهرج ما يزعل اليا صار صايب = واللى مضى من عمر الانسان ما يعود
اليا كبرت تعيب لو ما انت عايب= يوم الكبر جت له علامات وشهود
لو انت من يقضي جميع النوايب = البيض عافنك ولا عاد بك فود
من الحياه يصير خاطرك طايب=من عقب ما انته سيد تصير مسيود
تبي بتال العمر تدفع ضرايب= عن ما مضى لك من ملذات وسعود
دنيا كفا الله شرها والمصايب = تبي تشوف النقص ياطالب الزود
تفجعك بفراق الاهل والحبايب = ولا عاد تفرح لو اتبشر بمولود
*****************‏*************************************************
الله ولا صاحبٍ مثل القعود الجفول = عند آي شي ايتذير من خلاه ابخلاه
ما يتعب الناس مثل الادمي الزعول = لا والله الرفقه اللي ما عليها شفاه
اخير الاقوال قال الله وقال الرسول = واخير الاعمال وصل الاقربا والصلاه
يا صاحبي خل خلق الله تقول وتقول = الكل ذنبه على جنبه ويلقى جزاه
تجنب الناس لا تبلش بكل مهبول =خطو السليط الفريط الل قليل حياه
=الشاعر سعد بن عبيدالله القصيري



 

التعديل الأخير تم بواسطة فهد سعد ; 29-03-2021 الساعة 08:38 PM

رد مع اقتباس
قديم 26-03-2021, 10:45 PM   #29




الصورة الرمزية فهد سعد
فهد سعد غير متواجد حالياً

بيانات اضافيه [ + ]
 رقم العضوية : 56
 تاريخ التسجيل :  Oct 2011
 أخر زيارة : 22-04-2021 (09:40 PM)
 المشاركات : 283 [ + ]
 التقييم :  10
 التقييم :  فهد سعد مشاركاتك وتقيم الاعضاء الاخرين يرفع مستوى تقييمك
لوني المفضل : Sienna

اوسمتي
وسام الحضور المميز  وسام العطاء  وسام التميز 
عدد الاوسمة: 3

افتراضي قصيدة ترحـيبـة





قصيدة ترحـيبـة بمناسبة زفــاف
الشاب نايف بن سعد القصيري
ليلة الجمعة تاريخ 27 رجب 1442هـ
وبحكم الظروف الراهنة كان حفل الفرح عائلي
تـمــت اقـامـتــه بضيافة
الاستاذ يوسف بن عبيدالله القصيرى (ابوعزام)

يا نايف ان ابوك لــــه عــــدة ايام = ماهو بعارف كيف ياصــف شعوره
لو يكتبن عنه الصحايف والاقــلام = ما يكملن فــــي فــرحته وبسروره
وانا احمد الله يوم حظ السعد قام= وليل الفرح والانــس غنت اطيوره
با فراحنا اللي في مضيف ابوعزام= بــــدرِ تجلا في سما الــمــجد نوره
ويوم احظروا ربعن عزيزين واكرام = نبي مع اللي شــــرف الحفل صوره
يا احبابنا دمــــتــم ودام الفرح دام= كلِ تـــســـد رسالته عــــن حظوره
انــتـم ســــنــدنا في مقابيل الايام = والـحــفـــل صغرته بحكم الظروره
الله يـديــم الامــــن ويعز الاسلام = ويحيا الوطن بقيادة اخوان نوره
الشاعر سعد عبيدالله القصيري


 


رد مع اقتباس
إضافة رد



يتصفح الموضوع حالياً : 1 (0 عضو و 1 ضيف)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:44 PM.


Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

RSS RSS 2.0 XML MAP HTML

منتديات القصيرين من حرب

↑ Grab this Headline Animator