منتديات القصيرين من حرب

منتديات القصيرين من حرب (http://www.alqesuirien.com/vb/index.php)
-   منتدى المشاركات الادبيه المنقولة (http://www.alqesuirien.com/vb/forumdisplay.php?f=40)
-   -   قصيدة بمناسبة زواج اخي سامي سعد عبيدالله القصيري (http://www.alqesuirien.com/vb/showthread.php?t=5999)

فهد سعد 25-07-2016 11:03 PM

قصيدة بمناسبة زواج اخي سامي سعد عبيدالله القصيري
 

بسم الله المعبود رب الانامي=المعطي الوهاب ماخاب راجيه
ابدا بذكره في بداية كلامي=وياحي قولٍ ذكر ربي مباديه
يالله توصلني لغاية مرامي=في ماقفٍ واجب علي وقفتي فيه
الشعر له مبدا ونهج ونظامي=والشاعر هجوسه لاهوجس تخاويه
اما اوصلنه كل نايف وزامي=ولا اخذلنه واستماتت هقاويه
وانا ماتبرد ب المواقف عظامي=والفضل للي كل الارزاق بيديه
ابصخر القيفان واكرب حزامي=وفكري لجزلات المعاني معنيه
في محفلٍ يجمع كبار الاسامي=وعلى المعزه شيد الله مبانيه
باسمي واسم عمي رفيع المقامي=عداد ماسيلٍ درج مع مجاريه
حياكم الله يالضيوف الكرامي=ترحيبٍ اعده وارده واثنيه
صافحكم التقدير والاحترامي=والبن والعود المعتق يباريه
حظوركم لصدور ربعي وسامي=واصل الوفا انتم رجاله واهاليه
لكم الثنا والشكر شرقٍ وشامي=والكل منكم نفتخر في مباديه
وباغلى عبارة ود والحرف سامي=تهاني من الاخ تنساق لاخيه
مبروك جعل الخير من فال سامي=واطلب له التوفيق والله يهنيه
واخير ماقوله بمسك الختامي=صلوا على رسولكم يامحبيه
الشاعر خليل بن هايل القصيري

الساري 27-07-2016 07:12 AM

صح لسان الشاعر خليل وشكرا لك على النقل

فهد سعد 28-07-2016 06:11 PM

[quote=الساري;]صح لسان الشاعر خليل وشكرا لك على النقل

صح بدنك اخوي الساري العفو والشكر موصول لك اسعدني مرورك

ناصر ابن عويمر 29-07-2016 12:50 AM

ابـصـخـر القـيـفـان واكـــرب حــزامــي وفـكــري لـجــزلات الـمـعـانـي مـعـنـيـه
فــي محـفـلٍ يجـمـع كـبـار الاسـامــي وعــلــى الـمـعــزه شــيــد الله مـبـانـيـه

صح لسان الشاعر خليل
تحياتي

فهد سعد 31-07-2016 01:45 PM

[=ناصر ابن عويمر;]

صح بدنك بالنيابه عن الشاعر الله يبيض وجهك ياابو فيصل اسعدني مرورك


الساعة الآن 02:53 PM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team