منتديات القصيرين من حرب

منتديات القصيرين من حرب (http://www.alqesuirien.com/vb/index.php)
-   منتدى المشاركات الادبيه المنقولة (http://www.alqesuirien.com/vb/forumdisplay.php?f=40)
-   -   المكارم كايده والكرم ما له حدود (http://www.alqesuirien.com/vb/showthread.php?t=6196)

برق الحيا 12-08-2018 09:37 AM

المكارم كايده والكرم ما له حدود
 
المكارم كايده والكرم ما له حدود=يالكرم وش مبتداك اللي يحدد منتهاك
تبتدي بايام بيض وتنتهي بايام سود=شوف عيني بالغني يوم باعك وشتراك
بين قدره وصحنه يوم برك لك قعود=ينقله شنكار ونشه في غلوك من غلاك
وشوف عيني بالفقير اخذ على شانك قصود=يالكرم با الله حدد منتهاك ومبتداك
ناس تبغابك مديح وناس تثبت بك وجود=والحقيقه لك مقاييسك تحدد مستواك
مانت لكبار البطون ودون يبيس الكبود=من هنا خوذ القياس تعرف واقعك ورياك
واشهد ان الكفر في نعمت المنعم جحود=اليا دعاك اللي ملى بطنك دعيته ثم جاك
واحد لامد يده اطول شوي من العمود=يالكريم اللي يد الجيعان ماتاصل اقراك
البذخ والبطر و الطيش غرك يالهبود=لين حطيت الرياء قدمك وخوف الله وراك
مايغسل يدين ضيفك ياكود ادهان عود=بس مادري غسلهن قبل وإلا عن عشاك
عن صحن راع الرياء قول ياعرب الجدود=قل جفت يمناي زادك وقل تبت يداك
وقله أن من الكرم ضحكت حجاج محمود=وللكرم بيبان وسلوب كان الله هداك
يابشر لو للبشر تفرش الصحراء ورود=مانت مرضيها لاكن ارض من يملك جزاك
والله ان الجود من جد تبراء به الهود=التزم بالجود من جد عن تيهت جداك
بعض اساطير العوايد عسا ها ما تعود=حطها قدامك الزوم وبليس اقتفاك
مانشدت ولا روو لك قديمات العهود=ماروو لك عن زمن جدك ولاعن جد اباك
عن زمان اجدادك اللي شوو حتى الجلود=ما حكولك عن زمان المجاعه والهلاك
ولا روولك كيف جفت عياليم العدود=يحيط هذا ذنب هاذا وذاك بذنب ذاك
جابروت اللي خلق يمسح عصاته قرود=يالله انك لا تعذبنا بذنب اللي عصاك
العقاب بمن كفر حاط في عاد وثمود=جوز عن ما يغضب الله ولاتتبع هواك
بالصحون تبرك الحشو والناصح حسود=وعين مفتاقه تشوفك ولا شافت غداك
ولونصاك اللي به الجود يمكن ماتجود=خص كانه من عوانيك وضعوف اقرباك
تذبح الهاذاك حاشي وتعطي ذاك ذود=بين لامفتاق زادك ولا حاجت عطاك
تقل عن بعض المواجيب مانته بالوجود=خص من يالزمك حقه اليامنه نصاك
جود ماترجي ثوابه رياء مافيه فود=يالله انا عن رياء اشر خلقك في حجاك
ياإيلاهي لا تخلي كافر النعمه يسود=ايترجاء مدح خلقك وحنا في رجاك
ارحم اللي في رجاء رحمتك ركع سجود=ياكريم وياغفور وياسميع المن دعاك
والصلاه الخيرت الخلق ياخير معبود=على خير ابنا عبيدك وخير ابنا إيماك
عبدالله بن يوسف المزيني الحربي


الساعة الآن 05:07 PM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team