منتديات القصيرين من حرب

منتديات القصيرين من حرب (http://www.alqesuirien.com/vb/index.php)
-   منتدى المشاركات الادبيه المنقولة (http://www.alqesuirien.com/vb/forumdisplay.php?f=40)
-   -   انا البارحه جبت الورق والحبر من شان (http://www.alqesuirien.com/vb/showthread.php?t=6231)

فهد سعد 11-07-2019 04:57 AM

انا البارحه جبت الورق والحبر من شان
 

قصيدة مهداه للشاعر سالم صويلح القصيري بمناسبة فرح ابنه عبدالله
انا البارحه جبت الورق والحبر منشان=اشارك بني عمي ونفسي شفاويه
وش يردني عن وقفة الاخ للاخوان=والافكار في راسي والاقلام بيديه
اهوجس وافكر واتخيّل وجوي زان=وهذي مع الشاعرتراها طبيعيه
اليا جاته الدعوه من فلان والا فلان=لابد يتصور ماقفه ميه بميه
وابعطيكم الحجه وابعطيكم البرهان=وكلٍ ونهجه لكن اللي جرى ليه
تخيلت سالم يوم يستقبل الضيفان=بقاعة خيال الساميه والخياليه
وتخيلت عبدالله وبشته وانا عجلان=ادور على هذى وادورعلى ذيه
وجات الهجوس محظره باجزل القيفان=تقول برديٍ هل من نو وسميه
هذا من غلا سالم وسالم وسيع بطان=مواقيفه تنومس ولاهي بعاديه
ياكم اعتلى منبر وغنى من الالحان=ودايم على الجزله عزومه رهاويه
وانا بسمه ارحب ومن خاطرٍ طربان=هلا مرحبا ترحيبةٍ نارها حيه
عدد مايهل المزن من صادق الهتان=على روضةٍ خضرى من العشب مكسيه
وعدد من يزور البيت من ساير الاوطان=وعدد ماتهب النود لا مالت الفيه
بكل الرجال اهل الوفا والقدر والشان=على عودٍ معتق وفنجال بريه
يصافحهم التقدير والشكر والعرفان=وهالليله من اغلى الليالي وعيديه
وابطلب ولي العرش والمعطي المنان=يبارك لعبدالله ويصلح له النيه
وعسى بيته يعمره على طيلة الازمان=مابين السعاده والفرح والرفاهيه
الشاعر: خـليـل بن هايل القصيري



الساعة الآن 02:57 AM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team