منتديات القصيرين من حرب

منتديات القصيرين من حرب (http://www.alqesuirien.com/vb/index.php)
-   منتدى المشاركات الادبيه المنقولة (http://www.alqesuirien.com/vb/forumdisplay.php?f=40)
-   -   سلام ياهل الطيب وأهل والحميه (http://www.alqesuirien.com/vb/showthread.php?t=6243)

برق الحيا 23-08-2019 04:01 AM

سلام ياهل الطيب وأهل الحميه
 
قصيده للشاعر خلف بن زايد الجابري مهداه إلى مهل بن راشد القصيري واخوانه

سلام ياهل الطيب وأهل الحميه=سلام تسليم الوفاء صادقٍ فيه

إعداد وبل المزنه العقربيه=وعداد ما دار الفلك مع لاياليه

ينصى ذوي راشد بروحه وجيه=روس الرجال أهل الوفا والمشاريه

أفعالهم بالطيب دايم رهيه=الكل منهم طيباتٍ مساعيه

اهل هلا والعود والشاذليه =وحب الكرم فيهم رفيعه مباديه

ليّه علاهم ثم لهم عليه=لهم علي احقوق والحق اراعيه

اسمع يامهل يازبون الونيه=مقداركم وافي ولا اني ابناسيه

شوفك وشوف الربع اكبر هديه=هاذي شفوف القلب وهذا تمنيه

يابو مساعد ياعشيق الوفيه=ساس الوفا فيكم طلعتم معاليه

جينا لكم ياربعنا مقدريه=مقداركم واجب عليه ما خليه

انتم عيال الشيخ في كل هيه=راشد كريم الجود لاحل طاريه

فيه الكرم والجود مذهب ونيه=يا سعد من جاله من البعد ناصيه

افعول راع الطيب ماهي خفيه=كفه على الجزلات دايم مضريه

يا الله يالمعبود رب البريه=نطلبك بالجنه يا ربي تجازيه

حيثه رجل للطيب كفه نديه=واللي يحوشه للأ جاويد يعطيه

وبعده عياله ماسكين الوصيه=الطبع طبعه والمماشي مماشيه

افعولهم با الطيب ماهي خفيه =درب الوفا والطيب معروف راعيه

انتم مشيتم في العلوم النقيه =حب النقاء فيكم لا حظنا مواريه

مير اسمحولي فيه عندي قضيه =والحل في ايديكم مسكتم عراويه

وترى القضيه حب مع عاطفيه =ليّه عليكم حق هالحين انا ابغيه

لكم عزومه صامله مع تحيه =العلم واضح ياهل الطيب مافيه

ماباقي الا تم منكم وليه =واللي تبونه يالنشاما نلبيه

وان كان ما جيتم عليكم سويه =واللي يساويني على الطيب اساويه

الطيب يبيله عزومٍ قويه =والطيب يبراه العزم في مهاجيه

ياهل الوفا الطيب مافيه زيه =الطيب دايم وافياتٍ معانيه

لكم تحياتي على حسن نيه=تحيه المشتاق لا شاف غاليه
=خلف بن زايد الجابري
1440/12/19


الساعة الآن 03:35 AM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team