منتديات القصيرين من حرب

منتديات القصيرين من حرب (http://www.alqesuirien.com/vb/index.php)
-   منتدى المشاركات الادبيه المنقولة (http://www.alqesuirien.com/vb/forumdisplay.php?f=40)
-   -   . (http://www.alqesuirien.com/vb/showthread.php?t=6247)

الساري 25-09-2019 05:02 PM

قصه وقصيدة
 
قبل اكثر من ستين سنه قام شداد بن جريد البشري وعدد من جماعته بزيارة إلى سبيل بن عوض القصيري بقطن فستضافهم واكرمهم لمدة يومين وعند مغادرتهم حمل ركايبهم بالتمر والخيرات .
ولم ينسى شداد هذا الموقف المشرف وعند وفاة سبيل رحمه الله عام 1423هـ
قال هذه القصيدة رثاء .

يانخل أبو مازن سقتك الوسومي=سبع ليالي دايم الدوم همال
على قطن سيله يضفه عمومي=يسيل الوديان وسهال وجبال
من مد خلاقٍ كريمٍ رحومي=منجي نبيه من عظيمات الأهوال
راعي السخا سلمه عريب السلومي=يالله عسى له جنة الخلد منزال
راعي هلا ترحيب يجلا الهمومي=ترحيب أبو مازن على فال وعقال
في وقتهم ينجح قوي العزومي=والا الضعيف ضعيف في كل الاحوال
راعي العزم لوطاح لازم يقومي=معــــه أمل يحيي ضميره بالآمال
هذاك أبو مازن فدته الرخومي=لــو مات فعله حي باقي ولازال
يالله عسى للدار باقي رسومي=يبقى لهم رسمٍ على طول الأجيال
واعرف ترى الطرقي يجيب العلومي=لانقص مثقالٍ ولا زود مثقال
والدايم الله والبشر مايدومي=ماحدٍ معدل حمل غيره ليا مال
عليه مني كل ليلة ويومي=رحمة من الله ذكر عبدٍ ليا سال
والا البشر طبعه جهولٍ ظلومي=ماله بشوف العين لو حال به حال
قلته وأنا بقول راعي لزومي=أنشر له البيضاء على روس الاقذال
الفعل وافي مثل شط الردومي=ومن يجحد المعروف ماهو برجال

...

شداد بن جريد البشري الحربي

الساري 25-09-2019 05:03 PM

رد ثناء على الشاعر شداد بن جريد البشري
...
رد الثناء لأهل المروه لزومي=رد الثناء تثنيبه رجال لرجال
خذ علم مني من مبادي علومي=شدّاد ما بقولك من النقد ما يقال
يا مرحبا عداد رش الغيومي=واعداد ما ساقوا من الكيف فنجال
ترحيب يمشي بالوفاء والسلومي=لإبن جريِّد طيِّب الأصل والخال
بالصوت يا شدِّاد صحيت نومي=وكل الكلام اللي تقوله على البال
جريِّد قسمه من خيار القسومي=أنا أشهد إن الليث عقب له أشبال
بشاريه عند القسى واللزومي=ربعٍ لهم بالطيب ماقف ومنزال
مدحك لعمي مع صلاتي وصومي=علوم لها في مهجة القلب مدخال
ترى الخلف مثل السلف باللزومي=متوارثين الطيب من عمٍ ومن خال
بالطيب أبو مازن يبيع ويسومي=ليا جوا ضيوفٍ بآخر الليل هشّال
يذبح لهم كبشٍ فروقٍ قحومي=وراعي هلا بوقت القسى بكل الأحوال
ولك الثناء من أسرة سبيّل عمومي=وننشر لك البيضاء على روس الأتلال
مشكور يا شاكر وجعلك تدومي=لك بالوفاء والطيب مارد ومنهال
لك بالوفاء دايم دفاع وهجومي=إن كان حمل اجمالها بالقسى مال
يا شاكر انته بالمواقف تقومي=ولا انته ردي فزعه وللعقد حلاّل
ألزمتني وأنا عليِّه لزومي=وألزم من اللازم لزومك ولا زال
...
=عتيق صالح بن مليحان القصيري

الساري 25-09-2019 05:05 PM


رد ثناء على الشاعر شداد بن جريد البشري
...
ابدي بذكر الله قبل العمومي=واثني على الي يحفظ الطيب لا زال
واثني على قاف قديم يشومي =الطيب مبدى له وبالطيب رحال
من ابوجريد من قديم العلومي=يذكر بها طيب الي على الطيب فعال
جدي سبيل ما بفعله ثلومي=الله يجعل له جنة الخلد منزال
و مايحفظ المعروف كود القرومي=الي يردون الثناء بالكيل مكيال
أمثال شداد الي يسد اللزومي=وواجه كرم له بكرم قول ينقال
و أمثال شيخ عسى أيامه تدومي=هذاك ابو نايف حبه بقلبي أثقال
في شعره الطيب يعد النجومي=فيها طرف حكمه مع زين الأمثال
رد الثناء من باب حب السلومي=ياليتها تبقى مع كل الأجيال
و أمثال شاكر نشر قاف مختومي=فيه العلوم الطيبة نسج الأبطال
يالله يامنشي سحاب ركومي=تسوق ملفاهن على طيب الفال
الي مع الضيفان دايم كرومي =يضحك لهم بحجاجه لو الحال ميال
...
=سلمان بن ذياب بن عبدالله القصيري


الساعة الآن 07:25 AM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team