منتديات القصيرين من حرب

منتديات القصيرين من حرب (http://www.alqesuirien.com/vb/index.php)
-   منتدى الشعر الشعبي (http://www.alqesuirien.com/vb/forumdisplay.php?f=17)
-   -   حرب الحرايب عزوتي ذخر وسند (http://www.alqesuirien.com/vb/showthread.php?t=6248)

أحمد هايل 26-09-2019 11:19 PM

حرب الحرايب عزوتي ذخر وسند
 
مشاركتي بالحفل الذي أقامه الشيخ سعود بن موسى ابن حبيتر البيضاني
لعدد من أبناء القبيلة يوم الجمعة 1441/1/21

ابشر بنا يارشيد حنا حاضرين =واخوان بالميقاف لاحان الوعد

ماهي بلحية عذر لو إنه سمين=ولاهي بلحية وش بقى او وش قعد

إن كانها بالشعر فأبشر بالثمين=وإن كانها ميقاف فأبشر بالسعد

الليل هذا غير ياطلق اليمين =بضيافة البيضان وش باقي بعد

إلا سلام الله عليكم أجمعين =وأخص فيها اللي عسى عمره مدد

سعود راع الجود نسل الغانمين=من روس قومٍ وش تخلي وش تعد

بأمجادهم وأفعالهم متنومسين=حرب الحرايب عزوتي ذخر وسند

اللي تنصّاهم ماهو ممسي حزين =واليا فعلوا حلّوا معقّدة العقد

وأنته يابن زايد بكل الحالتين=بالطيب والا الشعر كلٍّ لك شهد

من الجوابر والجوابر شامخين =وأنا وشعري مالنا عنهم مصد

أقولها بالنوب مافيها كمين =عن لابةٍ تطلع مطاليع السعد

أولاد مقصر لابتي حصنٍ حصين =كل أبلجٍ للواجبه عنده جلد

والشيخ فيصل شيخنا دنيا ودين=حرٍّ تنومس هدته وقت الهدد

ماجاته الشيخة من يسار ويمين =ميراث جد وحافظينه للأبد

ولا نهضم حقوق الرجال الطيبين=والطيب والأمجاد ماتحصر لأحد

=أحمد بن هايل القصيري


الساعة الآن 08:45 AM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team