منتديات القصيرين من حرب

منتديات القصيرين من حرب (http://www.alqesuirien.com/vb/index.php)
-   منتدى المشاركات الادبيه المنقولة (http://www.alqesuirien.com/vb/forumdisplay.php?f=40)
-   -   يامحلا الفكس ار زين الوصايف (http://www.alqesuirien.com/vb/showthread.php?t=6271)

فهد سعد 18-03-2020 09:53 PM

يامحلا الفكس ار زين الوصايف
 

اهداء الى الشيخ نايف بن فارس بن شطينه القصيري
يامحلا الفكس ار زين الوصايف = توه مورد عن طريق الامارات
محشوم مثل الضيف عند المضايف = والا ابلجٍ حاصل على اعلا الشهادات
عليه من وصف البني العفايف = مظهر ولون وجاذبيه ولمحات
كن اشتغاله همسهن بالشفايف = وترديدهن لاحلا الجمل والعبارات
ابيه لايام القنص والمصايف = وابيه لايام العطل والاجازات
يفز مثل الظبي لافز خايف = واليا تحرك حدد الاتجهات
يطلع طلوع الصقر لاصار شايف = الصيده اللي مالها منه منجات
اليا انطلق من راس رجمٍ مهايف = صاروخٍ اطلق من قواعد عربسات
تضربه اصعب درب مانته بخايف = برمال والاجبال والا مطبات
ممشاه من حمر الجبال النوايف = لقراين الترمس ديار الشطينات
ربعٍ لنا مثل السيوف الرهايف = سقم المعادي يوم للقوم غارات
حواتمٍ ما حسبوا للكلايف = لا صارت الدعوا عزواي وفزعات
في ديرةٍ ضمة جميع الطوايف = يوم انها صارت مزارع وخيرات
دارٍ لذاعر قبل وقت الوظايف = بذل بها المجهود لين انها جات
وافتكها من كل طامع وحايف = لين اصبحت واحه وراحه وجنات
اذكر بني عمي ببيض الصحايف = وادعي لهم بالخير في كل الاوقات
وازورهم لو الزياره خفايف = لاجل المشاهد لو دقايق ولحظات
نلفي وملفانا على الشيخ نايف = صميدعٍ له بالنشاما علاقات
كريم سبلا اللي علومه طرايف = عليه من جده وصوف وعلامات
اللي عرف ذاعر اليا شاف نايف = يقول ذاعر باقيٍ حي ما مات
الشاعر: سعد بن عبيدالله القصيري



الساعة الآن 04:14 AM.

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Search Engine Friendly URLs by vBSEO 3.6.0 PL2 Trans by
HêĽм √ 3.1 BY: ! ωαнαм ! © 2010

Security team